Кој ќе и се приклучи на Данска во полуфиналето на Европското првенство

Европското првенство во ракомет за мажи 2026 година, кое се одржува во Данска, Норвешка и Шведска, влегува во својата највозбудлива завршница од главната рунда. Денес, се играат последните клучни натпревари кои ќе ги одредат патниците во полуфиналето.

Еве каков е статусот и што им е потребно на репрезентациите за пласман меѓу четирите најдобри:

Данска е сигурна, Франција и Германија во директен дуел

Во оваа група, домаќинот Данска веќе ја заврши својата задача и е првиот официјален полуфиналист по победата над Германија.

Битката за второто место е директна пресметка, Германија – Франција.

• Германија: Им одговара победа или реми против Франција во последното коло за да го осигураат полуфиналето.
• Франција: Актуелниот европски првак е во „шах-мат“ позиција по поразот од Шпанија. На Французите им е неопходна исклучиво победа над Германија за да поминат понатаму.
• Останатите: Шпанија, Португалија и Норвешка веќе ги загубија шансите за полуфинале и се борат за пласман.

Хрватска со од повеќе од конкурентите

Ситуацијата во Малме е екстремно комплицирана бидејќи неколку репрезентации се борат за двете водечки места.

• Хрватска: По победата на Хрватска против Словенија, Хрватите сега имаат бод повеќе во однос на конкурентите. На Хрватска ѝ треба победа над Унгарија или „реми“ со евентуален кикс на конкурентите (Шведска или Исланд).
  Словенците: Веќе не зависат само од себе, туку им е потребна голема услуга од Унгарците. Словенија мора да победи против Исланд вечерва. Било каков друг исход (реми или пораз) значи дефинитивен крај на сонот за полуфинале. Но и тоа не им гарантира полуфинале, па ќе зависат и од резултатите на другите натпревари.
  Шведска: Како домаќин има одлична позиција, но по синоќешното реми со Унгарија, сè уште мора да биде претпазлива против Швајцарија.
• Исланд: Сè уште е во игра, но киксот против Швајцарија (реми) им ја отежна работата. Им треба победа над Словенија и поволен резултат од мечот на Шведска.

^{Следете нé на социјалните мрежи}

• Facebook
• Instagram
• X
• YouTube
• VK
• Mail

• Threads