Данска се пласираше во големото финале на Европското првенство во ракомет. Домаќинот во Хернинг го совлада жилавиот Исланд со резултат 31:28. Данските ракометари во недела ќе играат против Германија за европското злато.
Исланд пружи жесток отпор и играше рамноправно до 50-тата минута. Квалитетот на Данска сепак пресуди во самиот финиш на овој натпревар. Матијас Гилсел повторно блесна и постигна седум голови за победничкиот тим. Јохан Хансен реализираше шест пати, а Симон Питлик додаде пет погодоци.
Во таборот на Исланд најдобар беше Смарасон со осум прецизни шута. Поркелсон го следеше својот соиграч со седум постигнати голови на мечот. Данска сега има историска шанса да ги обедини сите три титули. Тие веќе се актуелни светски и олимписки шампиони во ракомет.
Финалистите веќе ги одмерија силите во групната фаза на шампионатот. Тогаш селекцијата на Данска славеше над Германија со убедливи 31:26. Исланд ќе се бори против Хрватска за освојување на бронзениот медал.
Следете нé на социјалните мрежи
