Интересни четиринаесет натпревари понуди синоќешната програма во НБА лигата, а од нив ги издвојуваме поразите на Оклахома, Денвер и ЛА Лејкерс.
Сан Антонио Спарс направија големо изненадување, победувајќи ги Оклахома Сити Тандер со 130:110. Тоа беше четвртиот пораз во сезоната за актуелниот шампион, трет во последните пет натпревари. 33-те коша постигнати од Шаи Гилџус-Александар исто така не им помогнаа на Тандерси.
Кај Спарсите, тројца играчи имаа 20+ поени. Келдон Џонсон заврши со 25, Стефон Касл постигна 24, Харисон Барнс беше точно на споменатата граница од 20 поени.
Второто изненадување се случи во „Американ ерлајнс центар“, каде што домашниот Далас тесно ги победи Денвер 131:130.
Тимот на Маверикс добро го отвори натпреварот, водејќи со 41:27 по првата четвртина. Спак до крајот на третата четвртина Нагетс успеаја да го израмнат резултатот (103:103). Минута и пол пред крајот, Далас стигна до плус шест (131:125), а Нагетс успеаја да го ублажат поразот со тројка на Џамал Мареј и два поени на Никола Јокиќ. Имаа и пут за победа гостите, но Вотсон не погоди.
За „Маверикс“, Купер Флег се истакна со 33 поени, а Ентони Дејвис постигна два коша помалку. Мареј и Јокиќ беа најдобри во својот тим, двајцата со по 14 асистенции и седум скока, а Џамал постигна два поени повеќе од Србинот (31-29).
Финикс Санс ги победија Лос Анџелес Лејкерс со 132:108.
Лејкерси не можеа без Лука Дончиќ, а тимот го предводеше Леброн Џејмс со 23 поени, додека Остин Ривс постигна 17 поени. Во победничката екипа, Дилон Брукс беше прв стрелец со 25 поени, а Девин Букер имаше дабл-дабл од 21 поен и 11 скока.
