Меси и Интер Мајами немаа среќа на Светското клупско првенство, налетаа на ПСЖ во осминафиналето и го завршија настапот. Кратко по елиминацијата, тимот од Флорида се врати на обврските во домашното првенство, односно МЛС лигата.

Лионел Меси постигна два фантастични гола во победата над Монтреал со 4:1, а вториот сигурно е еден од најубавите во неговата кариера.

Претходно, Монтреал поведе во втората минута преку Овусу, но тоа беше сè што сторија домашните фудбалери. Во 33.минута, Меси запиша асистенција за Аљенде за 1:1. Во 40-тата Аргентинецот го постигна првиот гол, по мини соло пробив и прецизен удар во неговиот препознатлив стил.

Се заврши во 60-тата и 62-та минута, Сеговија прво го зголеми резултатот на 3:1, а потоа следеше претходно споменатата „магија“ на Меси за конечни 4:1.

Со оглед на тоа колку „соло“ голови постигна, тешко е да се рангира, но секако е многу високо на листата. Суарез ја остави топката на 40 метри за „магионичарот“, кој ја зеде мина четири играчи и ја заби под пречката.

ПОВРЗАНИ НАПИСИПОВЕЌЕ ОД АВТОРОТ