на „Алијанц“ арената во Минхен, вечерва ќе се игра финалето на четвртото издание на фудбалската Лига на Нации.
Репрезентациите на Шпанија и Португалија ќе имаат можност втор пат да триумфираат во ова натпреварување.
Двете репрезентации имаа тешка задача во полуфиналето.
Шпанците ја победија Франција со 5:4. Тоа беше демонстрација на сила во првиот час, енергичните Шпанци предводени од незапирливиот Ламин Јамал водеа со неверојатни 5:1, а Франција изгледаше целосно скршена.
Португалците со пресврт го победија домаќинот Германија среде Минхен. Играчите кои го направија пресвртот беа Франциско Консеисао и Витиња, чие влегување ѝ помогна на Португалија да го подигне нивото на својата игра и да постигне пресврт.
Нема да им биде лесно на Португалците против многу динамичните и технички речиси совршени Шпанци. Но кога станува збор за еден натпревар, сè е можно, особено на толку високо ниво со два многу квалитетни противници.
Последните два дуела меѓу овие противници беа во Лигата на нации 2022. Во Севиља беше 1:1, со Шпанија што поведе со голот на Алваро Мората , а Рикардо Хорта израмни. Во Брага, Шпанија беше подобра, победувајќи со 1:0 со голот на Мората во 88-та минута.
За „црвената“ фурија вечерашното ќе биде трето финале, а во него ќе се обидат да го одбранат трофејот освоен лани. „популарните „морепловци“ исто така ќе го играат второто финале, за втора титула, откако првата ја освоија во првото издание 2019 година.
Финалниот меч меѓу Шпанија и Португалија ќе почне од 21 часот, а претходно (15 часот) дуелот за 3.место меѓу Германија и Франција.
