Фудбалерите на Милан се израдуваа на многу важна и тешко остварена победа против Емполи.
Во натпреварот од 24.коло на Сррија А, екипата на Милан како гостин го совлада Емполи со 2-0.
Цврстиот натпревар кој изобилуваше со бројни жестоки дуели, резултираше со бројни жолти и по еден црвен картон на двете страни.
Милан кој ја имаше улогата на фаворит, отпорот на Емполи го скрши во второто полувреме со два гола. Стрелци беа Леао во 76-тата и Терачиано во 84-тата минута.
Со оваа победа Милан се искачи едно место погоре на табелата и сега е седми со 38 бодови еден повече од Болоња кој утре гостува кај Лече.
Сепак „росо-нерите“ заостануваат четири бодови зад Лацио и Фиорентина, а пет зад Јувентус, во трка за позициите што водат во европските купови.
