Во второто полуфинале на Европското првенство се сретнаа репрезентациите на Данска и Франција. Данска ја победи Франција со 24:22 и се пласираше во финалето на Европското првенство 2024.
Данска започна силно и поведе со 3:1 на самиот почеток. Во 13-тата минута Франција успеа да го израмни резултатот на 5:5. Сепак, данските ракометарки со серија од 2-0 повторно стекнаа предност од 8:6. Репрезентацијата на Данска успешно ја одржуваше оваа минимална предност. На полувреме данките заминаа со предност од 13:11.
Во 38. минута од второто полувреме, Франција успеа да израмни на 14:14. Меѓутоа, Данска возврати со серија од 6-0, враќајќи ја предноста на максимални 20:14. Французинките се обидоа да се вратат во игра и во 51. минута ја намалија разликата на 21:18. Сепак, Данска ја одржа оваа минимална предност до крајот на натпреварот, освојувајќи победа и пласман во финалето со конечен резултат од 24:22.
Претходно во финалето се пласираше репрезентацијата на Норвешка откако ја совлада Унгарија со 30:21.
Финалето помеѓу Норвешка и Данска ќе се одигра во недела со почеток од 18:00 часот. Додека натпреварот за трето место е закажан со почеток од 15:15 часот.
Ивона Кимовска
