Ракометарите на Данска го комплетираа квартетот на репрезентации кои ќе се борат за медалите на Европското првенство.
Ова е исходот по денешниот дуел од последното коло во четвртфиналната група 2. Во него Данска ја совлада Холандија со 30-26. Така данските ракометарки го обезбедија второто место во оваа група, во која Норвешка доминантно го освои првото.
Со тоа познати се и двојките за полуфиналната рунда која на програмата е во петок во Виена.
Актуелните светски шампионки Французинките ќе играат против репрезентацијата на Данска, која освои бронза на Мундијалот, а беше сребрена на последното ЕП.
Во второто полуфинале, Норвежанките кои се бранители на шампионскиот трофеј за противник ќе ја имаат селекцијата на Унгарија.
