Српските кошаркари се бронзени на ОИ во Париз (ВИДЕО)

Машката кошаркарска репрезентација на Србија се закити со бронзениот медал на ЛОИ во Париз.

Србите во дуелот за третото место го совладаа актуелниот светски шампион Германија со 93-83. Со тоа Србите им се реваншираат на Германците за поразот во финалето на Мундијалот.

Никола Јокиќ со тропл-дабл (19 поени, 12 скокови и 11 асистенции) ги предводеше Србите до бронзениот медал.

Во финалето вечерва, кое практично ќе биде реприза на она од Токио, Американците ќе го бранат златото во дуелот со домаќинот Франција.