Германија е првиот финалист на машкиот олимписки ракометен турнир

Ракометарите на Германија ќе имаат можност да се борат за златото на Олимпијадата во Париз.

Ова откако во првиот полуфинален натпревар Германците по голема борба ја победија Шпанија со 25-24. Германците речиси цел натпревар имаа предност, водеа се до 52-та минута кога за прв пат Шпанија дојде во водство.

Имаше црвената фурија во два наврати гол предност, но не ја сочува. Упорноста на Германците и овојпат дојде до израз па на крајот „панцирните“ заслужено се радуваа.

Кој ќе биде нивниот противник во неделното финале ќе дознаеме по дуелот меѓу Данска и Словенија (21.30 часот).