НФЛ официјално потврди дека ќе се врати во Мадрид во 2026 година со нов редовен сезонски натпревар на „Сантијаго Бернабеу“. Ова е дел од повеќегодишен договор меѓу лигата, градот Мадрид и Реал Мадрид.
Првиот натпревар таму беше одигран во ноември 2025 година, кога Мајами Долфинс го победија Вашингтон Командерс со 16-13 пред повеќе од 78.000 гледачи. Настанот предизвика огромен интерес и ја потврди Шпанија како клучен европски пазар за американскиот фудбал.
Лигата планира да развива младински програми и да го зголеми учеството во спортот преку иницијативи како „NFL Flag“.
Реал Мадрид и локалните власти ја поздравија одлуката, нагласувајќи дека стадионот е подготвен за нов спектакл. Сè уште не е објавено кои тимови ќе играат во 2026 година, но очекувањата се дека натпреварот ќе донесе уште поголема гледаност и нови обожаватели.
Ова е дел од стратегија на НФЛ која во 2025 година НФЛ организираше седум меѓународни натпревари во Лондон, Берлин, Даблин, Сао Паоло и Мадрид. Се предвидува уште поголема гледаност и интерес во 2026 година, со можност за натпревари и во 2027.
Следете нé на социјалните мрежи
