Македонската фудбалска репрезентација ги продолжува подготовките за претстојните натпревари против Саудиска Арабија и Лихтенштајн.
Денеска, на тренингот во 17:30 часот на тренинг центарот „Петар Милошевски“ најдобриот национален состав ќе биде комплетен со пристигнувањето на Елиф Елмас и Дарко Чурлинов. Двајцата во текот на вчерашниот ден официјално потпишаа договори со своите нови клубови, Елмас како повратник во Наполи, а Чурлинов во турски Коџаелиспор.
Бојан Илиевски смета дека контролниот натпревар во Прага против Саудиска Арабија може да биде корисен од аспект на можеби нови комбинации во нашата игра, а мечот со Лихтенштајн особено важен.
„Имаме навистина позитивна серија, кога нешто е добро не би требало да се менува и треба да продолжиме да работиме како и досега. Добро се подготвуваме, ќе ни биде од корист и пријателскиот натпревар против Саудиска Арабија, можеби да се пробаат некои нови комбинации, а против Лихтенштајн се надевам дека ќе продолжиме позитивно и во квалификациите. Тој натпревар е многу важен, јавноста можеби не смета нас за фаворити, но покажавме дека и ние кога на хартија не сме фаворити, како против Белгија и Велс дека можеме да изненадиме. Истото може да се случи и против Лихтенштајн, затоа тој меч е особено битен за нас“.
Првиот, пријателски натпревар Македонија ќе го игра во Прага (4 септември) против Саудиска Арабија. Тоа ќе биде загревање за Мундијалскиот квалификацискиот меч во Скопје на 7 септември против Лихтенштајн.
Следете нé на социјалните мрежи
