Лионел Меси уште еднаш покажа зошто неговото име е синоним за фудбалска генијалност. Аргентинецот ги постигна двата гола во победата на Интер Мајами од 2-1 против Њу Ингланд Револушн.
Првиот гол дојде по грешка на дефанзивецот Танер Бисон, која Меси ја казни со полуволеј во 27-мата минута.
Вториот гол беше дело на техничка совршеност. Прецизното додавање од Серхио Бускетс, со ефектен удар од работ на шеснаесетникот директно Меси го претвори во водство од 2-1. До крајот на мечот домашниот тим само успеа да го ублажи поразот.
Меси постигна гол во пет натпревари по ред, и сега има вкупно 14 гола и 7 асистенции од 15 натпревари оваа сезона. Со ова достигнување, аргентинскиот ас стана првиот играч во историјата на МЛС со четири последователни натпревари во кои постигнува повеќе од еден гол.
Тимот на Мајами ја продолжува импресивната форма, со четврта победа по ред и пет натпревари без пораз.
