БФудбалската федерација на Македонија (ФФМ) се реши на несекојдневен, но одличен потег. Имено за пристојниот натпревар меѓу Македонија и Белгија, ФФМ ќе обезбеди слободен влез за фудбалските надежи.
Станува збор за децата кои учествуваа на финалниот турнир во Детска лига и во проектот за училиштен фудбал „Ајде на фудбал“. Тие ќе бидат сместени на источната трибина.
Одлуката доаѓа на иницијатива на претседателот на ФФМ, Масар Омерагиќ, како признание за трудот и ентузијазмот на повеќе од 2000 деца од 96 екипи. Тие беа дел од финалниот турнир во Детска лига и близу 1000 деца од основните училишта, дел од проектот “Ајде на фудбал”.
Преку оваа иницијатива, испраќаме порака за поддршка на младите таленти и уште повеќе да ја поттикнеме љубовта кон фудбалот и ентузијазмот на најмладите за македонските национални селекции, велат од федерацијата
Источната трибина ќе биде резервирана за сите млади фудбалери, не само како публика, туку како иднината на македонскиот фудбал.
Следете нé на социјалните мрежи
