Масовното вклучување на лицата со инвалидност во спортот и во рекреативните активности, беше главна тема на состанокот одржан во Министерството за спорт.
Министерот Борко Ристовски имаше средба со претседателот на Меѓународниот параолимписки комитет, Ендрју Парсонс. На средбата присуствуваа и претседателот на Македонскиот параолимписки комитет, Бранимир Јовановски и претставниците од Хрватска и Црна Гора.
„Разговаравме за предизвиците со кои се соочуваат спортистите со инвалидност и за потребата од институционална поддршка.
Како Министерство за спорт, остануваме посветени на поддршка на параолимпискиот спорт и создавање еднакви можности за секој што сака да биде дел од спортската заедница.
Спортот треба да биде достапен за сите“, истакна министерот Ристовски.
