Екипата на Феенорд славеше минимална победа над Милан во првиот дуел од шеснаесетина-финалето во Лигата на шампионите.
На стадионот „Де Куип“ во Ротердам, Феенорд победи со 1-0 против италијанскиот гигант. Единствениот гол на натпреварот беше постигнат на самиот почеток.
Се играше третата минута, кога Бразилецот, Игор Паишао со прецизен удар го изненади лошо поставениот гостински голман Манњон.
Милан беше поагресивен во продолжението на натпреварот, во обид да стигне до израмнување. Сепак обидите на „росо-нерите“ беа јалови, ма Милан ќе мора да бара шанса следната рунда на домашен терен.
Реваншот на „Сан Сиро“ ќе се игра во вторник, 18 февруари.
