Англискиот шампион Манчестер Сити ја продолжува својата агонија.
„Граѓаните“ се поразени на гостувањето кај Астон Вила со 2-1 во дуел од 17.коло на Премиер лигата. Во првиот дел, односно 16.минута, Дуран погоди за 1-0, а во 65-тата Роџерс зголеми на 2-0. Поразот го ублажи Фоден во судиското дополнение.
За Сити ова беше шести пораз во Премиер лигата. Во сите натпреварувања „граѓаните“ имаат само еден триумф на последните 11 натпревари.
Астон Вила сега го презеде шестото место од Сити, кој би можел да оди и подолу, по одигрувањето на останатите натпревари.
