И покрај чудната одлука на Барселона да го ослободи Џорди Алба, тој се врати во репрезентацијата на Шпанија и е спремен за дуелот со Италија во полуфиналето на Лигата на нации.
Џорди Алба го цени повикот од Луис де ла Фуенте и ќе даде се од себе за освојување на ова прекрасно натпреварување, како што вели тој. Шпанскиот бек, стави крај на една успешна кариера во Барселона и додаде дека неговата одлука за иднината ќе биде донесена заедно со неговото семејство.
„Одлуката што ќе ја донесам за мојата иднина нема да зависи од тоа дали можам или не да дојдам во шпанскиот тим. Тренерот виде што можам да направам и ме избра и се гледам себеси способен да продолжам уште неколку години. Секогаш е задоволство да бидам тука со репрезентацијата. Го ценам овој повик. Дојдов да помогнам и убеден сум дека работите ќе одат добро. Она што го гледам е многу позитивно. Одвнатре сме многу обединети. Тоа е многу убав турнир за играње и се надевам дека ќе го освоиме. Како што знаете, немам тим и не сум загрижен да бидам тука без тим. Тоа е одлука што треба да ја донесам заедно со моето семејство“, вели Алба.
Полуфиналето меѓу Шпанија и Италија ќе започне вечерва во 20:45 часот.
