Екипата на Денвер ја оствари 14-та победа сезонава, а трета во последните пет натпревари во НБА лигата. „Нагетс“ славеа во драматична завршница на гостувањето кај Сакраменто со 129:130.
„Кралевите“ водеа со седум разлика на три минути до крајот, но во последните 75 секунди екипите наизменично се менуваа со предноста. На 21 секунда пред крајот, Демар Дерозан постигна кош за водство на Сакраменто со 129:128. На спротивната страна возврати Џамал Мареј за 130-129 за Денвер. Последниот напад го имаа домаќините, Сакрменто, но Дерозан не се снајде и пропушти шанса за победа.
Мареј ги предводеше Нагетс со 28 поени, Арон Гордон додаде 24 поени и седум скока, а Никола Јокиќ запиша нов трипл-дабл со 20 поени, 14 скока и 13 асистенции.
Најдобар за „Кингси“ беше Де’Арон Фокс со 29 поени и седум асистенции, а Домантас Сабонис додаде 28 поени, 14 скока и шест асистенции.
Лос Анџелес Клиперс немаше проблеми на домашен терен против Јута Џез, со што ја прекина серијата од три порази. Клиперски славеа со убедливи 144:107.
Џејмс Харден го предводеше тимот од ЛА до победата со 41 поен и шест асистенции, Норман Пауел додаде 29 поени. Хрватот, Ивица Зубац заврши со нов дабл-дабл со 19 поени и 12 скока.
Голема неизвесност имаше на натпреварот Детроит – Мајами кој домашните кошаркари го добија со 125-124 по продолжение.
Во останатите натпревари победи остварија гостинските екипи: Торонто – Чикаго 121-122,
Шарлот – Филаделфија 108-121 и Бруклин – Кливленд 101-130.
