Скопје е подготвено за Светското училишно првенство во ракомет кое официјално започнува утре со учество на над 700 млади спортисти. Главниот град на Македонија ќе биде домаќин на 39 екипи од 21 држава кои ќе се борат за титулата светски првак.

Македонските машки и женски кадетски репрезентации веќе ги дознаа своите противници и распоредот на натпреварите во групната фаза од турнирот.

Машката селекција под водство на Горан Кузманоски ќе ги одмери силите против Република Српска, Грузија, Бугарија и Саудиска Арабија.

Женската репрезентација предводена од Даниела Новеска за противници во групата Ц ги има селекциите на Белгија, Грузија и Словачка.

РАСПОРЕН НА МАКЕДОНИЈА

ДатумЧасКонкуренцијаНатпреварЛокација
22.04.202610:30МажиМакедонија – БугаријаСала Македонско Сонце
22.04.202610:30ЖениБелгија – МакедонијаСала Крсте Мисирков
23.04.202608:30МажиГрузија – МакедонијаСала Македонско Сонце
23.04.202610:30ЖениГрузија – МакедонијаСала Крсте Мисирков
24.04.202610:30МажиРепублика Српска – МакедонијаСала Македонско Сонце
24.04.202610:30ЖениМакедонија – СловачкаСала Крсте Мисирков

Натпреварите ќе се играат во шест различни спортски сали низ Скопје, додека големото финале ќе се одржи во салата Расадник.
Официјалното свечено отворање на првенството е закажано за утревечер со парада на сите учесници на централниот плоштад Македонија.

Министерството за спорт и Федерацијата на училишен спорт потврдија дека сите технички и безбедносни подготовки за настанот се целосно завршени. Овој спортски настан има за цел да го промовира ракометот меѓу младите и да ја зајакне меѓународната соработка преку спортот.

Љубителите на ракометот ќе можат бесплатно да ги следат натпреварите и да дадат поддршка на македонските надежи во нивниот настап.

ПОВРЗАНИ НАПИСИПОВЕЌЕ ОД АВТОРОТ