Лионел Меси одигра брилијантен натпревар и постигна четири гола во убедливата победа на Интер Мајами со 7-1 над Монтреал. Аргентинскиот велемајстор го предводеше својот до спектакуларен триумф пред домашната публика во новата рунда од МЛС лигата.
Домаќините го отворија резултатот во 20-тата минута, кога Карлос Касемиро погоди со глава по корнерот на Теласко Сеговија. Екипата на Монтреал успеа краткотрајно да израмни на 1-1 преку Фабијан Херберс во 37-мата минута од средбата.
Лионел Меси ја врати предност за својот тим со прекрасен гол од слободен удар пред крајот на првото полувреме.
Во продолжението следуваше вистинска доминација на тимот од Флорида. Меси зголеми на 3-1 во 52-рата минута. Искусниот Луис Суарез се запиша во стрелците во 80-тата минута по асистенција на Меси. Само три минути подоцна, Аргентинецот ја затресе мрежата уште еднаш за да ја потврди својот хет-трик.
Младиот Александар Шо во 89-тата минута постигна нов погодок за домашниот состав и ја зголеми предноста на 6-1. Конечниот печат на идеален меч го стави Меси во продолжението со својот втор гол од слободен удар на натпреварот.
